Мұнайшылар патриоттық әндерді орындады

Қаражанбас кен орнында Ұлы Жеңістің 72 жылдығына арналған әскери-патриоттық әндер фестивалі өтті. Байқауға «Қаражанбасмұнай» АҚ жұмысшыларымен қатар шекара қызметінің жауынгерлері қатысты. Майдан даласындағы жауынгерге жігер мен рух беретін патриоттық әндер бүгінге дейін өз құндылығын жоғалтқан емес. Байқауда орындалған әндер мен соғыс кезінің көріністері тыңдарманды ерекше күйге бөледі.