Жаңа жыл құтты болсын! Құрметті әріптестер!

Сіздерді 2018 Жаңа жыл мерекесімен шын жүректен құттықтаймын. Сіздерге зор денсаулық, мол бақыт, отбасыларыңызға амандық тілеймін.
2017 жылы біздің үлкен еңбек ұжымы ынтымақ-бірлікте абыройлы еңбек етті. Біздің негізгі міндетіміз – мұнай өндіру, жоспарды орындау! Осы жолда Сіздердің әрқайсыңыз адал еңбек етіп, өз үлестеріңізді қосып келесіздер. 
Алдағы келе жатқан Жаңа жылда жемісті еңбек етіп, алға қойылған міндеттерді ынтымақ-бірлікте абыроймен атқарайық. «Ырыс алды ынтымақ» деген, үлкен еңбек ұжымымызда лайым тек өзара сыйластық, түсіністік, береке-бірлік салтанат құрсын. 
Өндірісте барлық қауіпсіздік талаптарын бұлжытпай орындап, биік белестерді бағындырайық. Ең бастысы – Сіздердің әрқайсыңыздың амандығыңыз! Жаңа жылда да отбасыңыздың, перзенттеріңіздің қызық-қуанышына бөленіп, бәйтерек, үлкен тірек болып жүріңіздер. 
Ел экономикасын дамыту жолындағы қызметіміз 2018 жылы да жемісті болсын. Жаңа жыл әрбір шаңыраққа құт-береке болып енсін. Ойға алған арман-мақсаттарыңыз орындалсын! Жаңа жыл жақсылығы мен қуанышын сыйласын! Төрімізге қыдыр-бақ болып қонсын! Құтты жыл болсын!