«Тұлпар Мұнай Сервис» ЖШС-де жаңа Ұжымдық шарт қабылданды

2016 жылдың 25 наурыз күні «Тұлпар Мұнай Сервис» ЖШС-де 2016-2018 жылдарға арналған жаңа Ұжымдық шартқа қол қою рәсімі өтті.

Жаңа Ұжымдық шарт 2016 жылдың 1 қаңтарынан бастап күшіне енген жаңа ҚР Еңбек кодексіндегі өзгерістерді және жұмыс беруші мен қызметкер арасында пайда болатын көптеген сұрақтарды қамтыды. «Қаражанбасмұнай» АҚ Ұжымдық шарты сияқты жаңа Құжатта жұмыскерлерге арналған барлық әлеуметтік жеңілдіктер мен кепілдіктер сақталған.

Шартқа Жұмыс беруші тарапынан – Серіктестік Президенті Мұстахим Беркалиев және Бірінші вице-президент Хэ Ябин, Жұмыскерлер тарапынан – Серіктестік еңбек ұжымының жалпы жиналысында сайланған өкілдер қол қойды.